Мажите кои се осомничени дека до смрт го претепале Маријан (34) пред очите на седум деца во куќа во Брашов, Романија, дале скандалозна изјава пред обвинителот, обидувајќи се да го оправдаат своето брутално злосторство.
Неколку напаѓачи, роднини на поранешната сопруга на Маријан, упаднале во куќата во момент кога внатре имало деца. Со себе имале цел арсенал – од палки до ножеви и секири. Од страв, никој не се осмели да интервенира за да му помогне на Маријан, кој на крајот беше погубен.
При распитот, осомничените рекле дека делото го сториле затоа што Маријан преку социјалните мрежи им испратил заканувачка порака!
Според локалните медиуми, тие на рочиштето отворено покажале дека воопшто не ја ценат жртвата. Тврделе дека го претепал нивниот роднина. Сепак, како што истакнаа, тоа не бил мотивот за злосторството.
,,Еден од осомничените, давајќи ја својата одбрана, рече дека жртвата се заканувала со насилство и смрт, а тоа преку директен пренос на социјалните мрежи“, рече обвинителот.
Инаку, полицијата досега приведе пет лица, а децата кои беа сведоци на грозоморното злосторство се однесени на психолог.
„Имаше шест-седум луѓе, со палки, секири, вили, лопати. Зедоа сè што имаа. Се нафрлија на брат ми и му пресудија, токму таму во куќата, пред децата. Ја извлекоа внука ми низ прозорецот, бидејќи не можеа да влезат во куќата“, вели сестрата на Маријан.
Сведоци на злосторството биле и нејзините три деца кои на обвинителот му кажале се што имале. На психолог биле однесени и седумте деца на Маријан, од кои најмалото има само три години. Инаку, Маријан го очекуваше осмото дете со новата сопруга.
„Децата ќе останат со членовите на нивните семејства. Целиот случај ќе го следат специјализирани екипи од градското собрание“, велат надлежните.