Надал ќе се врати на натпреварувањата во јануари по пауза од една година
Рускиот тенисер Даниил Медведев денеска изјави дека во текот на кариерата имал повеќе успеси во дуелите против Новак Ѓоковиќ отколку против Рафаел Надал.
Медведев и Ѓоковиќ одиграа 15 натпревари во кариерата, а рускиот тенисер победи на пет. Медведев и Надал одиграа шест дуели во кариерата, а Русинот победи само на еден меч.
– Ѓоковиќ во сите сезони во кои играше победи на многу натпревари и не загуби многу. Многу е тешко да го победиш. Можеби имав помал успех против Надал отколку против Новак – изјави Медведев за „Национал“.
Надал ќе се врати на натпреварувањата во јануари по пауза од една година. Медведев истакна дека дуелот против Надал ќе биде голем предизвик за него.
– Имавме неколку тесни натпревари на кои мислев дека можам да победам, но на крајот тој беше во предност. Натпреварот против него ќе биде голем предизвик. Никој не знае во каква форма е и како ќе се справи со се. Но, според она што го видов, се чини дека му оди добро и тоа е одлично за тенисот – додаде Медведев.