Министерката за надворешни работи на Германија, Аналена Бербок, денес ја пофали храброста и решителноста на Украина и кажа дека на земјата и е место во Европската унија за време на ненајавената посета на Киев.
Таа во Киев пристигна со ноќен воз од Полска, додека тоа е четврта посета на политичар од Партијата на Зелените од Германија на главниот град на Украина откако Русија ја започна инвазијата на соседот, пишуваат германските медиуми.
„Со голема храброст и одлучност, Украина ја брани и слободата на сите нас“, истакнала Аналена Бербок по нејзиното пристигнување, ветувајќи и дека ќе и помогне на Украина во напорите за влез во ЕУ.
Таа кажала дека Киев може да се потпре на Германија за одлучно да ја поддржи Украина на нејзиниот пат кон Европската унија, но нагласи дека се потребни повеќе реформи, особено мерки за борба против корупцијата.
Аналена Бербок потсети дека Украина веќе има статус на кандидат, како сега да се подготвуваат одлуки за отворање на пристапните преговори со ЕУ, пренесува медиумската агенција Reuters.
„Кога станува збор за реформата на правосудството и медиумското законодавство, резултатите од реформите во Украина се веќе импресивни“, изјави шефицата на германската дипломатија.