Првиот вицепремиер Изет Меџити на прес-конференција објави дека 226 онлајн казина што работеа на територијата на Северна Македонија сега се затворени.
Меџити објави дека овој чекор го намалил бројот на онлајн казина за 40% и најави дека наскоро ќе бидат затворени и други онлајн казина.
„Казиното не е економија, тоа е криминал. Во првите денови на владата беа отстранети неколку концесии за онлајн казина. Денес известуваме за затворање на 226 страници кои нелегално нуделе услуги за онлајн казина, што претставуваше потенцијален ризик за новите генерации. Во завршна фаза сме од новиот закон за коцкање, кој ќе биде најмалку 50 до 70 проценти поригорозен, а кој ќе донесе затворање на 70 проценти од казината во нашите населби и градови, кои беа инсталирани од претходната влада“, рече Меџити, меѓу другото.
Тој, исто така, апелираше до сите граѓани да ги пријавуваат онлајн казината за да може владата да преземе соодветни мерки.