Дополнителниот заменик-министер за внатрешни работи, Митко Бојмацалиев, декеска заедно со државната секретарка Магдалена Несторовска, ги посети управните служби на МВР кои се наоѓаат во зградата на Македонска телевизија, со цел увид во процесот на замена на личните документи на граѓаните.
Како што информираат од МВР, раководството на Одделот за граѓански работи во зградата на МТВ, го информирал Митко Бојмацалиев за процесот на промена на личните документи на граѓаните.
„Ако ги земеме месеците декември 2023 и јануари 2024 во однос на процесот на промена на патните исправи на граѓаните вкупната бројка изнесува 176.159, што е четирикратно зголемување споредбено со истиот период од два месеци од 2023, 2022 и 2021 година, кога таа бројка месечно не надминувала 24.000. Со тоа можам слободно да констатирам дека е постигнат рекорден број во овие два месеца“, вели Митко Бојмацалиев.
Во оваа прилика дополнителниот заменик-министер Митко Бојмацалиев потсети на исплатената дополнителна плата на вработените вклучени во процесот на промена на личните документи, кои неуморно и посветено работат за време на викенди и празници, за што уште еднаш упати благодарност до колегите.