Претседателот на владејачката партија, ВМРО-ДПМНЕ, Христијан Мицкоски, рече дека политичкиот противник од СДСМ ја започнал оваа кампања со негативна кампања.
„Од лидерот на СДСМ не сум слушнал никаков проект, никаква стратешка визија што значи иднина. Тој само во своите говори зборува дека ова раководство на СДСМ е продолжение на раководството на СДСМ кое седум години ја уништуваше и продаваше Македонија. Дали има поголема потврда за ова и поголема инспирација граѓаните на Македонија да излезат на 19 октомври и да гласаат против оние политики што во минатото тешко ги поразија на претседателските и парламентарните избори“, рече Мицкоски.
Мицкоски нагласи дека Филипче е продолжение на политиките на Зоран Заев, кои, според него, го осиромашија народот, а половина милион граѓани оставија со 150 денари дневно.
Премиерот Мицкоски изјави дека очекува огромна победа за неговата партија, ВМРО-ДПМНЕ, на локалните избори.