Иран планира да нападне американски воени бази на Блискиот Исток, објави иранската новинска агенција Фарс, повикувајќи се на извор запознаен со плановите на воената команда.
„Војната што започна со агресијата на ционистичкиот режим ќе се прошири на сите територии окупирани од овој режим и американските бази во регионот. Агресорите ќе добијат решителен и голем одговор од Иран“, изјави изворот на агенцијата.
Агенцијата денес, повикувајќи се на извори, исто така објави дека иранските напади врз Израел ќе продолжат.
„Конфронтацијата нема да заврши со ограничените акции од синоќа и иранските напади ќе продолжат, а оваа акција ќе биде многу болна и жална за агресорите“, изјави неименуван функционер за Фарс, повикувајќи се на високи воени претставници.