Текстилниот гигант Примарк е принуден да затвори неколку продавници низ Германија поради деловна криза.
Примарк веќе некое време се бори со финансиски загуби во Германија.
– Наскоро ќе ги објавиме бројките за Германија за нашата финансиска состојба во 2021/2022 година. Можам однапред да ви кажам дека крајната линија покажува загуба од околу 50 милиони евра. Загуби веќе имаше година пред тоа – вели директорката на Примарк за Германија, Кристијана Вигарс Фулм.
Компанијата планира реструктуирање со цел да опстане на пазарот.
Локалните медиуми јавуваат дека експозитурата во Гелзенкирхен веќе е затворена. Компанијата има намера да ги затвори локациите во Крефелд и Кајзерслаутерн следната година по истекот на закупот. Планот е да се задржат 27 продавници во Германија.
Сепак, и покрај проблемите, Примарк гледа потенцијал во отворање нови локации во Германија.
– Германија има 84 милиони жители и имаме многу атрактивна понуда. Некои од нашите клиенти мора да патуваат далеку за да купуваат од нас. Постојано добиваме барања од клиенти преку социјалните мрежи кои бараат од нас да отвориме продавници во нивна близина – вели Вигарс Фулм.
Примарк е ирски моден синџир со продажни места низ Европа и Америка.
Првата продавница беше отворена во 1969 година во Даблин.