Портпаролот на Кремљ, Дмитриј Песков, е татко на многу деца – три сина и две ќерки од три брака. Неговиот најпознат наследник е неговата најстара ќерка Лиза.
Лиза Пескова се школувала во Русија и Франција и, тврдат во Русија, никогаш не се пофалила со семејната ситуација или со влијателната положба на нејзиниот татко. Таа долги години живеела во Париз и често била обвинувана за расфрлање со парите на нејзиниот татко. Таа важела за една од типичните претставници на „разгалените богати деца“, на која, како и на нејзините роднини, сè и одело без проблеми во животот.
Но, пред неколку дена Дмитриј Песков ги демантираше тие гласини и кажа колку е „тешка“ ситуацијата на неговата ќерка.
„Таа никогаш не беше разлигавено девојче. Имаше многу тежок живот, тешко образование. Студираше не само во Русија, туку и во Франција. Живееше таму многу лошо, во спартански услови“, рекол Дмитриј Песков.
Според него, Лиза Пескова морала да надмине многу тешкотии во нејзиниот млад живот.
„Едно е кога си многу голем, се дебелееш затоа што немаш што да целиш. Друга работа е кога треба да надминуваш некои проблеми секој ден: каде можеш да изнајмиш и најдеш стан поевтино, како да заштедиш пари, ќе можеш ли да си дозволиш нови фармерки на крајот на месецот и така натаму. Тогаш беа различни времиња, но се се одвиваше во многу, многу спартански услови. Лиза помина многу време во потрага по себе. Благодарам му на Бога, сега се е добро. Таа стана праведен кариерист“, рекол Димитриј Песков во интервјуто на каналот MGIMO 360 на Јутјуб.
Меѓутоа, тој „заборави“ да спомене дека Лиза Пескова живеела во Париз во стан од 180 квадратни метри, кој вреди 1,8 милиони евра.
Лиза Пескова се врати во Москва пред неколку години откако ја доби дипломата од МГИМО.
„Сега многу работам и заработувам, учествувам во разни проекти. Не сум патувала низ Европа од февруари 2022 година“, изјавила во една прилика младата наследничка.