Министерството за одбрана на Руската Федерација објави видео од Валериј Герасимов, командант на руските сили во Украина, кој за првпат се појави во јавноста по неуспешниот бунт на приватната армија Вагнер на 24 јуни. Герасимов беше еден од воените команданти против кои Евгениј Пригожин се побуни пред да им нареди на своите платеници да маршираат кон Москва.
Министерството за одбрана објави видео на кое генерал Герасимов слуша извештај за Украина на состанокот во саботата и разговара со највисоките руски генерали и издава наредби, вклучувајќи го и шефот на воената разузнавачка служба (GRU/ГРУ).
Во видеото, министерството ја употребуваше неговата титула „Началник на главниот штаб на руските вооружени сили и командант на здружените сили во Украина“.
Во прилогот се наведува дека „Началникот на Генералштабот на руските вооружени сили, армискиот генерал Валериј Герасимов, го задолжил началникот на Главната разузнавачка управа и одговорните за командните пунктови да ги идентификуваат локациите за обука и складирање, местата за лансирање ракети С-200 и слични непријателски ударни оружја како и планирање на нивниот пораз“.
Министерството за одбрана соопшти и дека Русија во неделата спречила украински ракетен напад врз Крим и областа Ростов.
Да потсетиме, некои руски медиуми деновиве пишуваа дека Герасимов е разрешен.