Шпанскиот тенисер Рафаел Надал е поразен од Австралиецот Џордан Томпсон по пресврт од 2:1 во сетови на турнирот во Бризбејн.
По враќањето на теренот по пауза од една година, во својот трет меч, Надал повторно почувствува здравствени проблеми во пределот на колкот, кој го оперира минатото лето.
„ Болката е на истото место, но чувствувам дека е мускул од замор. Минатата сезона беше тетива и чувството беше сосема поинакво. Ја чувствував повеќе. Единствениот проблем е што е истото место, па повеќе сум загрижен од вообичаено “, рече тој. Надал додаде:
„ Се надевам дека мускулите ќе се „наполнат“ по неколку дена напор и многу тежок натпревар. Веќе кажав дека целта ми е да бидам конкурентен за неколку месеци. Точно е дека одиграв два натпревари. Многу работи можат да се случат на моето тело по една година дена без конкуренција. Се надевам дека само мускулот во таа област е напнат .
Надал ги победи Доминик Тием и Џејсон Кублер во Бризбејн.
„ Веќе реков дека не дојдов овде за да освојувам турнири. Дојдов повторно да играм тенис и да дадам се од себе. Се надевам дека ќе се чувствувам подобро за неколку дена. Ако не, ќе направам неколку тестови. Ќе видиме што ќе се случи “.
Рафа се сели во Мелбурн, каде на 14 јануари започнува Австралија Опен .
„Но она што е важно сега е дека успеав да одиграм три натпревари во Бризбејн. Мојот ривал одигра добро и мораме да му оддадеме признание “, објасни Надал.