Неидентификуван маж денеска пуштил иритирачки гас во музејот на минијатури во германскиот град Хамбург, една од најпознатите туристички атракции во овој северногермански град, пренесе ДПА.
При инцидентот повредени се 46 лица, соопшти портпарол на полицијата, додавајќи дека тие добиле лесна иритација на дишните патишта. Едно лице е префрлено во болница.
Пожарникарската служба ја евакуирала зградата во квартот „Шпајхерштат“, но половина час подоцна објавила дека повторно е дозволено влегувањето.
Извршителот останал непознат, иако на местото на инцидентот е пронајден гасен патрон, изјави портпаролот.