Вицепремиерот и министер за транспорт Александар Николовски денеска најави дека амбицијата на Владата е во наредниот период да пушти возови за Тетово, Гостивар, Штип и Кочани, како и враќање на целосната линија до Кичево.
Како што изјави Николовски по денешната посета на „ Транспортниот центат“, во моментов во земјава се изнајмени пет патнички возови, пет товарни локомотиви и четири локомотиви.
„Од нула возови и локомотиви минатиот јули, сега имаме вкупно 14 на железниците во земјава. Кога бевме избрани во јули минатата година, Македонија немаше железница, немаше оперативни возови и локомотиви. Резултатите се видливи дури по шест месеци. Работата низ која поминавме денеска, во јули минатата година, беше запуштена, никој не влезе во неа, имаше темно огледало, додека денес вредни луѓе ги одржуваат и поправаат возовите. Споредено со четвртиот квартал од 2023 година, четвртиот квартал од 2024 година има 75 отсто зголемување на обемот на товарот. Тоа е срцето на „Македонски железници – транспорт“ бидејќи најголем дел од приходите доаѓаат од товарниот сообраќај, како и од патниот транспорт, кој во однос на третиот квартал од 2023 година со третиот квартал од 2024 година е зголемен за 36 отсто. Тоа се големи бројки и големи разлики“, рече Николовски.
Тој претходно најави дека попладнево во 16:30 часот ќе тргне првиот воз од Скопје за Куманово.