Лала Лалија се наоѓа на југоисточниот дел на Мароко, висока е 100 метри и широка 700 метри.
За прв пат е пресметана староста на една од најголемите и најсложените видови песочни дини на Земјата. Ѕвездените дини или пирамидалните дини се именувани поради нивните карактеристични форми и можат да достигнат стотици метри во висина.
Тие се наоѓаат во Африка, Азија и Северна Америка, како и на Марс – но експертите никогаш претходно не можеле да утврдат кога се формирани. Сега научниците открија дека дина по име Лала Лалија во Мароко била основана пред 13.000 години.
Ѕвездените дини се создаваат од спротивни ветрови кои ја менуваат насоката. Разбирањето на нивната старост им помага на научниците да ги анализираат тие ветрови и климата од ерата, вели професорот Џеф Дулер од Универзитетот Абериствит, кој го објави истражувањето заедно со професорот Чарлс Бристоу од Универзитетот Биркбек.
Лала Лалија (што значи највисоката света точка) се наоѓа на југоистокот на Мароко. Висока е 100 метри и широка 700 метри. За да ја пресметаат возраста, научниците користеле техника наречена датирање со луминисценција. Методот пресметува кога зрната песок последен пат биле изложени на дневна светлина.
Кога зрната се изложени во лабораторија, тие ослободуваат енергија во форма на светлина и научниците можат да ја пресметаат нивната возраст. „Во нашата темна лабораторија, гледаме светлина од овие зрна песок. Колку е посилна светлината, толку се постари зрната“, вели професорот Дулер, пренесува BBC.