Одамна е познато дека модата нема правила. Трендсетерките уживаат во екстравагантни парчиња во кои многумина никогаш не би се појавиле. Се чини дека сè е дозволено – проѕирно, искинато, размачкано, непогодно. За ова придонесуваат холивудските ѕвезди. Кога ќе се појават во невидена облека, се раѓа нов тренд. Овој пат главната улога ја толкува Џенифер Лопез .
Латино дивата беше фотографирана на божиќен пазар заедно со нејзината мајка. Како што пренесуваат странските медиуми, изгледало дека многу брзала, но нејзиниот стајлинг никого не оставил рамнодушен. Џеј Ло не се двоуми да шета по градските улици во опуштени изданија. Таа неколку пати ја има преземено титулата модна икона, што значи дека нејзините стајлинзи се беспрекорни – без разлика дали е во тренерка или најгламурозно издание. Меѓутоа, сега таа облече фармерки , кои би требало да станат главен тренд во 2024 година !
Станува збор за валкани фармерки дизајнирани од модната куќа „ Гучи “. Нивната цена е нешто повеќе од 1.000 евра , а познатиот бренд ги прави од органски памук. Тие се тестираат на специфичен начин за да се постигне овој ефект. Коментарите на социјалните мрежи веќе пристигнуваат, а мислењата се поделени. Додека некои го поздравуваат овој моден избор, други истакнуваат дека се надеваат дека овие фармерки никогаш нема да станат модерни. Што велите вие?