Еден од најпознатите холивудски режисери, Тим Бартон, и познатата италијанска актерка Моника Белучи го објавија крајот на нивната врска, која започна во октомври 2023 година.
Тие ја информираа јавноста за раскинувањето преку заедничка изјава за францускиот „Ел“.
„Со големо почитување и длабока загриженост еден за друг, Моника Белучи и Тим Бартон одлучија да се разделат “, се наведува во списанието.
Бартон, 67, и Моника, која неодамна наполни 60 години, првпат го привлекоа вниманието на папараците во февруари 2023 година, кога беа фотографирани како се бакнуваат во Санта Моника на Денот на вљубените.
Тие долго време ја држеа својата врска подалеку од очите на јавноста, но во јуни истата година, Моника сепак призна дека е среќна.
– Можам да кажам само едно – среќна сум што го запознав тој човек. Вакви средби ретко се случуваат во животот… Го познавам, го сакам и сега ќе го запознаам режисерот, што е нова авантура – рече Моника.
Во филмот „Битлџус Битлџус“ од 2024 година, Моника за прв пат соработуваше со Бартон, и тоа остана нивниот единствен заеднички проект.
Нивниот последен јавен настап се одржа на 14 јуни 2024 година, на Филмскиот фестивал во Таормина, кога разменија нежни бакнежи пред камерите, што во тој момент изгледаше како доказ за нивната љубов.
Иако се вели дека се предодреден пар, нивната романса беше краткотрајна. Тие се познаваат повеќе од 15 години, а медиумите веруваат дека се зближиле по Филмскиот фестивал „Лумиер“ во Лион во 2022 година, кога Моника му ја додели на Бартон наградата за животно дело.
Да потсетиме, Тим Бартон претходно беше во врска со актерката Хелена Бонам Картер, со која има две деца, додека Моника беше во брак со Винсент Касел, со кого има и две ќерки.