Беше доста страшно – изјавил Невил Линтон
Невил Линтон, 63-годишен Британец, пронашол жива, неотровна змија во куп брокула што наводно ја купил во продавница на Алди.
– Беше доста страшно. Не сум добар со змии – рекол тој, пренесува Sky News.
Според неговите зборови, брокулата ја купил во Стурбриџ, Вест Мидлендс, а неотровната змија ја пронашол кога ја извадил брокулата од фрижидер за да подготви ручек.
– Среќа што не ја оставив брокулата во кујната – рекол Линтони и додал дека му била понудена отштета, но дека бара повеќе пари.
Како што вели, понудената сума не го компензира ризикот во кој биле неговиот инвалид син и жена кои живеат со него.
Портпаролот на Алди изјави за Sky News дека нивниот добавувач никогаш не добил поплаки од ваков карактер.
„Го истражуваме овој изолиран инцидент и му се извинивме на Линтон што нашите вообичаени високи стандарди не беа исполнети“, соопшти компанијата.