Ели Џонсон (24 г.) од Хенам, Есекс, страдала од стомачни болки од август 2018 година и со месеци одела на доктор затоа што верувала дека има некаква „блокада“ во нејзиното тело.
„Не знаев дека сум бремена додека не се породив, тоа е навистина најинтересниот дел од приказната што на луѓето им се допаѓа“, рекла таа.
„Бев на апчиња за контрацепција. Ги пиев секој ден, дури и за време на бременоста. Јас всушност немав никакви симптоми. Сè уште имав циклус секој месец и мојот стомак не растеше или нешто слично“, објаснила таа.
Ели Џонсон објаснила дека единствената причина поради која почнала да оди кај докторите е болката во стомакот, која и предизвикувала непријатност. Интересно е тоа што 24-годишната девојка тврди дека направила три теста за бременост кои биле негативни и дека направила ултразвук кој не открил ништо необично на само два дена пред да се породи.
Ели Џонсон, која оттогаш дипломирала и работи како администратор на услуги, дури викендот одлетала во Единбург пред да ја роди својата ќерка Алиша.
Вечерта пред да се породи, Ели Џонсон излегла на вечера и испила неколку пијачки за да го прослави роденденот на баба и, но набргу откако се „фрлила“ во кревет околу 22 часот, почнала да чувствува страшни болки во стомакот и грбот.
По повраќање во следните четири часа, Ели Џонсон и нејзината мајка се јавиле на 911 околу два часот по полноќ и била однесена во собата за итни случаи каде болките и се влошиле.
„Отидов да направам проверка на тенкото и дебелото црево и ги почувствував сите долни стомачни мускули напнати и си помислив: Има нешто, нешто се случува што не е во ред“, изјавила таа за Daily Mail.
„Искрено, мислев дека цревата ми излегуваат од грбот“, додала таа.
„Им кажав дека чувствувам болка каква што досега не сум почувствувала. Ме свртеа на страна и се појави главата на детето, а тогаш дознав и дека сум бремена“, раскажала таа.
Докторите биле толку зачудени кога ја виделе главата на бебето како излегува што дури и тие се „одвратиле“ и итно ја повикале акушерката.
„После тоа уште еднаш ми се напна телото и се породив“, додава таа.
Таа кажала дека повеќе не може да го замисли животот без нејзината неверојатна ќерка, која сега има 5 години, а поддршката што ја добила по раѓањето на Алиша била неверојатна.
„Не можев да верувам што се случува. Мислев дека имам халуцинација од болка, а потоа го добив ова мало чудо до мене, го погледнав нејзиното лице и сфатив дека сум мајка. И тоа беше прв пат некако целосно да поверувам во се што се случува“, вака го опишала моментот таа.
Детето е родено во 05:40 часот на 22. декември 2018 година, во 37 недела.
Ели Џонсон тврди дека шест години земала апчиња за контрацепција, а докторите подоцна и објасниле дека таблетите не биле ефективни како што требало, но од друга страна сепак и ги регулирале хормоните, поради што тестовите покажале дека не била бремена.
Ели Џонсон верува дека нејзината бременост не била откриена на ултразвук, бидејќи грбот на Алиша бил спроти ‘рбетот на Ели, што исто така ја објаснува мачната болка во грбот што ја доживеала за време на породувањето.