Еден човек од Мостар решил да го прослави разводот на прилично необичен начин – со музика што ја свират трубачи, а како што објавува Hercegovina.info, бил придружуван од пријатели кои ги однел на бурек.
Имено, иако прославите по развод не се толку невообичаени во светот, овој човек од Мостар решил да го прослави крајот на својот брак со привлечна забава.
Според Hercegovina.info, наместо тага, неименуваниот маж решил да прослави нов почеток, во придружба на оркестар кој допатувал од Србија само за оваа пригода.
Забавата започна од мостарското кафуле, а со звуците на труби и хармоники, мостарецот и неговата дружина застанаа на бурек во познатата буреџиница.
После тоа, трубачите пристигнаа пред зградата на Општинскиот суд во Мостар, каде што се одржа официјалниот дел – потпишувањето на документите за развод.
Трубачите таму го пееја хитот „Изаџи, мала“, а откако разводот беше официјализиран, следеше „Несаница“. Бројни минувачи ја гледаа сцената со восхит, а самите музичари признаа дека никогаш немале ваков ангажман.