Британецот Лук Винтрип ја запросил својата избраничка Сара Винтрип 43 пати за седум години, по што таа конечно рекла „да“, а приказната за оваа необична ситуација го обиколи светот.
Тој првпат ѝ предложил брак на Јамајка по шест месеци врска. И двајцата претходно биле во сериозни врски, па таа не сакала премногу брзо да се вклучи.
„Не го очекував тоа. Го сакав, но не сакав да кажам „да“ на нешто за кое можеби подоцна ќе зажалам. Лук рече: „Добро, во ред, но ќе продолжам да те прашувам“, рекла таа во интервју за „Кенеди њуз“.
Секој пат кога таа му велеше „не“, тој стануваше покреативен. Ја молеше во напуштени замоци, ангажираше музичари, организираше вечери со свеќи итн. Тој претвори еден напуштен замок во Прага во место од бајките, но дури и тогаш таа го отфрлаше.
„Знаев дека е рано, но знаев дека таа е вистинската. Моите пријатели ми рекоа: „Се обидуваш да ја измориш“, но не беше така. Сакав да ѝ докажам колку го сакам ова и се надевав дека еден ден нашите ќерки ќе го погледнат тоа и ќе речат: „Па, ако Лук толку многу ја сака мама, треба да најдам некој што толку многу ме сака мене“, рече Лук.
Во 2023 година, Сара конечно се согласи да се омажи за него. Моментот се случи во Гринич, Лондон. Уличен музичар ги изведе сите нејзини омилени песни.
„Кога ми предложи брак, рече: „Ова е центарот на светот, а ти си центарот на мојот свет и сакам да се омажиш за мене“. Конечно го освои моето срце“, се присети таа.
Таа додаде дека не жали што ѝ требало толку долго време за да се омажи и им порача на жените секогаш да си веруваат на сопствената интуиција.
„Мислам дека треба да биде во Гинисовата книга на рекорди. Благодарна сум што издржа толку долго“, рече таа.