Грижата за здравјето на мозокот е клучна за спречување на невродегенеративни заболувања. Иако додатоците во исхраната често се поврзуваат со губење на тежината или третман на специфични заболувања, неврологот д-р Келијан Ниотис истакнува дека одредени додатоци можат да имаат моќен ефект врз мозокот. Во објава на Инстаграм, таа сподели три додатоци во исхраната кои, според неа, помагаат во зачувувањето на функцијата на мозокот и спречувањето на невролошки заболувања.
Омега-3 масни киселини
Омега-3 масните киселини се наоѓаат во храна како лосос и авокадо, но многу луѓе ги внесуваат и преку додатоци во исхраната. Д-р Ниотис вели дека омега-3 масните киселини „ја поддржуваат структурата и функцијата на мембраните на мозочните клетки и имаат антиинфламаторни ефекти“. Редовното внесување може да придонесе за подобра функција на мозокот и намалување на воспалението во телото.
Витамини од групата Б (Б12, фолна киселина, Б6)
Витамините Б играат важна улога во здравјето на мозокот, особено Б12, фолна киселина и Б6. Според д-р Ниотис, овие витамини „ги регулираат нивоата на хомоцистеин“ и се вклучени во „создавањето на масна обвивка што ги опкружува нервните клетки“. Тие се исто така важни за синтезата на ДНК и РНК. Д-р Ниотис препорачува дневен внес од околу 500 микрограми витамин Б12, 800 микрограми фолна киселина и помалку од 20 милиграми витамин Б6.
Теракурмин (високо биодостапен куркумин)
Теракурминот е форма на куркумин која подобро се апсорбира од телото и станува сè попопуларна во светот на додатоците во исхраната. Тоа е активната состојка во куркумата која има силни антиинфламаторни својства. Д-р Ниотис нагласува дека теракурминот може „да го намали невроинфламацијата и да ги заштити клучните делови од мозокот погодени од невродегенеративни заболувања“.