Денеска е првиот ден на климатолошката есен и ќе трае до 30 ноември. Иако, до крајот на летото остануваат уште 20 дена. Годинава јуни, јули и август беа повеќе од жешки. Температурите надминаа 40°C во неколку последователни денови.
Тропското топло време ќе продолжи и на почетокот на септември.
Во првите пет дена ќе биде топло за овој период од годината, со температури над 30 степени и ќе се искачуваат и до 35-36°С.
Се очекува претежно сончево време, но во јужните и источните предели ќе има локален развој на облачност, на места краткотраен дожд со грмежи.
Многу топлото време ќе продолжи и по 5 септември, така што до 8 септември температурите ќе се движат меѓу 30 и 35°С.
На места се очекуваат локални врнежи со грмежи.
Околу 10 септември ќе следи мало заладување, но времето и понатаму ќе биде многу топло, со температури до средината на септември околу 30°C или неколку степени под и над.
Од средината на септември ќе има постепен и благ пад на температурите на воздухот, но тие сепак ќе имаат вистински летни вредности и ќе бидат од 25 до 30 степени.
За да дојде до посериозно заладување ќе треба да продре студен фронт од северозапад и од Алпите, кој најпрво би донел посилно освежување со дожд и врнежи, а со пад на температурата кон самиот крај на септември.
Значи, пред нас е многу топол септември.
Првата деценија од месецот би се карактеризирала со тропско време, со температури над 30°C.
Потоа би продолжило вистинското летно време, со температури сè уште над просекот, а во втората половина на месецот би следел постепен пад.
Со календарскиот почеток на есента, по 20 септември, минималните температури и во Белград би се спуштиле на вредности од 10 до 15 степени, а тоа би било показател дека сме на прагот на вистинска есен.
Кога станува збор за врнежите, првите 10 дена од септември ќе донесат прилично сушен период и дефицит на врнежи. Нешто почести врнежи се очекуваат во остатокот од септември, но според досегашните прогнози нема изгледи за пообилни врнежи наскоро, кои ќе ја ублажат големата суша.
Значи, пред нас е вистинско лето и нешто посув септември.