Специјалните сили на американската Армија и вооружените сили на Босна и Херцеговина претходниот ден завршија успешна билатерална обука воздух-земја со JTAC и два авиони F-16 во регионот на Тузла и Брчко, соопшти амбасадата на САД во БиХ во објава на социјалните мрежи.
„Обуката беше дел од напорите на американските сили за размена на тактики, техники и процедури со Босна и Херцеговина, како и за демонстрација на посветеноста на Соединетите Американски Држави за обезбедување на територијалниот интегритет и суверенитет на Босна и Херцеговина. САД нема да стојат на страна додека се доведуваат во прашање Дејтонскиот мировен договор и институциите на Босна и Херцеговина“, напишаа тие во објава на социјалната мрежа Х (Твитер).
И од американската амбасада потврдија дека не случајно е избрана вежбата да се одржи претходниот ден – паралелно, кога Република Српска започнува дводневна прослава на 9. јануари како ден на субјектот, и покрај претходната пресуда на Уставниот суд на Босна и Херцеговина, кој го одбележа тој празник како неуставен и дискриминаторски.
Тие рекоа дека обуката ја покажува посветеноста на САД на територијалниот интегритет на БиХ во екот на антидејтонските и сецесионистички активности.