Сите знаеме колку е штетно пушењето и колку оваа лоша навика го зголемува ризикот од голем број болести. Сепак, дали знаете колку навистина е опасно пасивното пушење и колку сте изложени на ризик од чад од тутун, дури и ако никогаш во животот не сте запалиле цигара?
Пасивното вдишување на чад од тутун, кое се состои од комбинација на чад што го издишува пушачот и чад што доаѓа од запалената цигара, е многу опасно и за здравјето на непушачите. Затоа, доколку некој пушач ви каже дека „само себе се труе“ како изговор за неговото пушење, појаснете му дека е докажано дека чадот од тутунот им штети на сите околу него.
Имено, со пасивното пушење, како и со пушењето, вдишувате повеќе од 6.000 супстанции од тутунскиот чад во белите дробови, од кои околу 100 се штетни или потенцијално штетни според експертите за јавно здравје. Пулмолозите истакнуваат дека пасивното пушење го зголемува ризикот од кардиоваскуларни заболувања за високи 20-30 проценти.
Како да се избегне чад од тутун?
Подолу се дадени неколку предлози како да се заштитите себе си и вашите најблиски од пасивното пушење.
Прво, и најважно, ако пушите – престанете! Тоа е докажан начин да се заштитите себе си и вашите најблиски од штетното влијание на чадот од тутунот.
Ако откажувањето од пушењето не е опција, тогаш барем префрлете се на помалку штетни алтернативи, како што се електронски цигари и уреди без чад базирани на технологија за греење наместо согорување на тутун. Нивната употреба не создава чад од тутун, па не се јавува ниту пасивно пушење.
Штетното дејство на чадот можете да го избегнете доколку го направите станбениот простор во кој живеете и вашиот автомобил во „зони без чад“ и не дозволувате пушење дури и со отворен прозорец.
За социјални настани, обидете се да изберете ресторани во кои пушењето е забрането, или барем има физички оградена зона без чад, што ќе ја намали вашата изложеност на чад. Кога резервирате простори и хотелски соби, имајте предвид дека пушењето е забрането.
Конечно, штетните честички од чадот од тутунот остануваат на сите површини и буквално – насекаде околу вас, па доколку сте пушач, секогаш запомнете дека не се „труете себеси“, туку сите луѓе околу вас.