Американската пејачка Никол Шерцингер блесна на Тајм 100 Гала организирана во Центарот Линколн во Њујорк. За оваа церемонија таа избрала тесен црн фустан.
Горниот дел од оваа креација е со длабок засек, нагласувајќи го нејзиното бујно деколте, а долниот дел е украсен со светки.
Својот изглед го комплетираше со смела шминка, фенирана коса и накит. Таа расположена им позираше на присутните фоторепортери.
Магазинот Тајм го вклучи Шерцингер на својата листа на 100 највлијателни луѓе во светот во 2025 година.
Галата „Тајм 100“ ги собра познатите личности од областа на шоу-бизнисот, спортот, уметноста, науката итн. Водител на настанот беше Снуп Дог, а во музичкиот дел од програмата настапија Ед Ширан и Мајлс Смит.
Шерцингер беше дел од групата Pussycat Dolls. Издадоа само два албума, кои беа продадени во 55 милиони примероци ширум светот. Благодарение на ова, тие станаа една од најуспешните женски групи на сите времиња.
Минатата година ја доби наградата Лоренс Оливие за најдобра актерка во мјузиклот „Sunset Boulevard“.