Помладата сестра на познатата колумбиска актерка Софија Вергара , Сандра Вергара, ги запали социјалните мрежи со најновите фотографии во бикини . Нејзиниот изглед не останува незабележан, а многумина коментираат дека нејзината убавина не заостанува многу зад нејзината позната братучетка.
Со години, Софија Вергара се смета за една од најубавите жени на денешницата. Изгледа речиси нереално – тонирано тело, сјајна кожа, пленивачки шарм. Но, се чини дека тајната не е само во режимот на исхрана и нега, туку и во исклучителната генетика со која може да се пофали нејзината сестра Сандра.
Kариера на модел, улоги и рефлектори
Сандра Вергара, која денес има 36 години, е позната на јавноста како актерка и модел. Таа зачекори во светот на модата на 24-годишна возраст, а набргу потоа влезе и во актерскиот свет. Публиката имаше можност да ја види во популарни серии и филмови како што се „CSI: Miami“, „Fright Night“, „Fetching“, „Nip/Tuck“ и „Theresa Corazon“.
И покрај нејзиното присуство во јавноста, Сандра беше во сенка на познатата Софија поголемиот дел од својата кариера – сè до сега.
Семејна приказна за која малку се знае
Она што е помалку познато е фактот дека Сандра не е сестра на Софија по раѓање, таа е всушност нивна братучетка, која била посвоена од семејството Вергара кога била дете. Таа пораснала рамо до рамо со актерката која подоцна ќе стане меѓународна ѕвезда, но успешно ги избегнувала рефлекторите со децении.
Едно од ретките заеднички јавни појавувања се случи во 2005 година кога заедно прошетаа по црвениот тепих, изненадувајќи ги многумина кои не знаеја дека Софија има „сестра“.
Влегување во реалниот свет на луксузот
Неодамна, Сандра потврди дека влегува во деветтата сезона на популарното ријалити шоу на Нетфликс, кое го следи гламурозниот свет на луксузните агенти за недвижности во рамките на престижната агенција Опенхајм Груп.
„Ќе донесам малку повеќе сјај, длабочина и злоба во реалноста“, напиша таа на својот Инстаграм профил, алудирајќи дека гледачите можат да очекуваат повеќе од само бајки и потпишување договори.
Во друга објава, таа додаде: „Снимањето беше забавно. Премногу сум благодарна и почестена што сум дел од ова лудо, прекрасно искуство. Наскоро повеќе. Подгответе се за магијата.“
На последните фотографии во бикини, Сандра покажа совршен баланс на форма, гламур и самодоверба. Коментарите на следбениците се само потврда за она што е веќе јасно, таа повеќе не е „само“ сестра на познатата Софија, туку жена која плени со своето присуство.