Јаник Синер, шампионот на Австралија опен, ја започна 14-та недела од своето владеење на АТП листата, додека Новак Ѓоковиќ доживеа очекуван пад.
Младиот италијански тенисер по триумфот во Њујорк ја зголеми предноста на светската листа и има големи шанси да ја заврши сезоната како најдобар тенисер во светот.
На најновата АТП листа Синер има 11.180 бодови, дури 4.105 повеќе од новиот второпласиран во светот, Германецот Александар Зверев.
Тенисерот од Хамбург до најдобрата позиција во кариерата стигна со 7.075 поени, претекнувајќи ги Новак Ѓоковиќ и Карлос Алкарас.
Ѓоковиќ од втората падна на четвртата позиција бидејќи не успеа да го одбрани трофејот освоен минатата година.
Третопласираниот Карлос Алкарас има 6.690 бодови, додека Новак загуби дури 1.900 бодови и сега има 5.560.
Данил Медведев и Андреј Рубљов ги задржаа петтото и шестото место, додека финалистот на Флешинг Медоус, Американецот Тејлор Фриц забележа напредок од дури пет места.
Листата на првите десет ја заклучуваат Хуберт Хуркач, Каспер Руд и Григор Димитров, кои забележаа пад од една позиција.
Забележителен беше и скокот на Френсис Тиафо од 20. на 16. место, додека полуфиналистот на УС Опен, Британецот Џек Дрејпер се пресели од 25. на 20. место.
Миомир Кечмановиќ е на 53. место со 980 поени, Душан Лајовиќ е на 65. место со 811 поени.
Ласло Ѓере забележа пад од девет позиции и сега е 119-ти со 491 бод, додека Хамад Меѓедовиќ е на 136-то место и има 440 бодови.