Во својата книга „Сервирај за победа“ од 2013 година, Новак Ѓоковиќ откри дека медот од Нов Зеланд е една од најголемите тајни на неговата исхрана. Го консумира така што секое утро јаде две лажички од овој мед со голема чаша вода на собна температура. Покрај тоа, понекогаш го зема и во текот на денот, како и на теренот помеѓу сериите.
Новак Ѓоковиќ еднаш откри дека чоколадото ќе ви даде ефект на заблажување, но за половина час ќе изгубите енергија. На Србинот му треба енергија во текот на денот, поради што го купува најскапиот мед на светот. Зошто овој мед е најскап ?
Медот со име – Манука – е производ чии „лажни“ сорти се шират низ целиот свет. Се добива од цветовите на растението манука, односно од грмушката што расте во Нов Зеланд. Медот е познат по својата главна состојка, која во исто време ја покачува неговата цена – метилглиоксал (МГО), супстанца со силно антибактериско дејство, што всушност е несакан ефект од производството на медоносни пчели. Затоа медот Манука се смета за најздрав во светот.
Исто така, спроведено е истражување на оваа супстанца. Германските научници одлучиле да ги споредат примероците и заклучиле дека најдобриот мед од Манука содржи од 38 до 761 mg/kg, додека обичниот мед има до 5 mg/kg. Медот кој содржи многу од оваа состојка е секогаш поскап. На пример, медот со 100 mg/kg чини околу 3.000 денари, но цената на медот со 500 mg/kg метилглиоксал е повеќе од 8.000 денари за половина килограм. Разликата во количина зависи од сезоната и точното потекло, а најдобро е од дивината на Нов Зеланд.
Сепак, на пазарот има многу „лажен“ Манука мед. Експертите советуваат секогаш да купувате само од сертифицирани производители. Вистинскиот Манука мед ја носи ознаката UMF (Unique Manuka Factor), што во превод значи „уникатен мед Манука“. До таа ознака има и бројка и колку е поголема бројката толку е повисок квалитетот на медот, односно содржи поголеми концентрации на МГО.