Ситуацијата што го снајде овој човек не е секојдневна.
Новопечениот татко го сподели својот ужас откако случајно зел погрешно бебе од болница – и предизвика огромна паника.
Тој објасни како „не бил трезен“ од раѓањето на својата ќерка, грижејќи се за својата девојка и нивното дете, кои поминале осум дена на интензивна нега.
„Моето бебе имаше блага инфекција, па остана неколку дена на одделението за интензивна нега. Мојата девојка дојде дома три дена по породувањето, но ние одевме во болница да ја гледаме ќерката секој ден… Сепак, денес нашата ќерка беше отпуштена од болница, па отидовме да ја земеме, девојка ми отиде да потпише документи во другата соба“, рече тој.
Признавајќи дека бил многу загрижен да го донесе бебето дома, тој вели дека на крајот отишол во погрешна болничка соба и го ставил туѓото дете на неговото седиште.
“Бев целосен идиот. Влегов во собата до ќерка ми. Двете болнички соби изгледаа потполно исто, а ова друго бебе носеше бело боди и жолта капа, исто како мојата ќерка. Мојата ќерка имаше нараквица, а другото бебето не, но јас не го сфатив тоа додека подоцна го ставив бебето на седиштето и отидов на рецепција каде што ме чекаше девојката“, продолжи тој.
Додека тој ја чекал својата девојка, се појавила мајка му и знаела дека нешто не е во ред штом го виде детето.
„Таа побара да го држи бебето и јас се согласив. Го зема во рацете, ја подигна главата и рече: Мајк…. По тонот на нејзиниот глас можев да заклучам дека нешто не е во ред. Ми рече дека бебето изгледа поинаку, но јас се обидов да и објаснам дека така и се чини бидејќи последен пат кога го виде, бебето беше во инкубатор. Продолживме да чекаме и во меѓувреме пристигна мојата девојка. Таа го погледна бебето и наеднаш прбледе. Веднаш кажа дека тоа не е нејзиното бебе.
Сите од рецепцијата, како и медицинските сестри пошле со нив да видат што се случува. Таму имало уште еден пар кои биле „полудени“ затоа што го немало нивното бебе,а сопругот бил принуден да ја признае својата грешка“, па додал:
„Ја зедовме ќерка ми и тргнавме дома, но сега мојата девојка е многу лута на мене, се чувствувам како ужасен татко бидејќи не го препознавам лицето на сопствената ќерка. Посакајте ми среќа во следните 18 години.
Луѓето во коментарите беа шокирани од она што се случи, но пред се поради неуспехот на самата болница.
„Не можам да верувам дека болницата нема начин да го спречи тоа да се случи“, „Малку сум шокиран што можеш да го направиш тоа. Секоја болница во која се родени моите деца имаше нараквица за глуждот што ќе вклучи аларм ако стапнеш Надвор од забранетите области, исто така, бебињата секогаш беа под надзор, изненаден сум што детето беше само во собата.
Сепак, очигледно овој човек не е единствениот татко кој не го препознал своето дете веднаш.
“Јас сум татко и имав проблем да ја најдам ќерка ми во градинка бидејќи не ја облеков две години и не знаев што да барам. Таа самата ме спаси бидејќи ме виде и почна да ми се јавува. Така, ти не си најлошиот татко, особено затоа што сите бебиња се речиси исти“, му напиша тој во утешен коментар.