Ако се ободуваме да ослабеме, исхраната е многу важна. Често ја делиме храната на „здрава“ или „нездрава“, иако експертите се согласуваат дека храната не може да биде добра или лоша. Умереноста е важна во сè. Сепак, нутриционистката Гуна Биланде предупреди на храна која се рекламира како здрава, но всушност може да го спречи или забави слабеењето.
„Вообичаена заблуда е дека сите здрави намирници се добри за слабеење. Иако таквата храна нуди значителни нутритивни придобивки, нивната висока калорична содржина понекогаш може да работи против вашите цели за слабеење“, изјави Биланде за Bristol Live.
Таа истакна дека одредени видови храна би можеле да го спречат слабеењето, објаснувајќи дека иако не се инхерентно нездрави, можеби не се најдобриот избор за оние кои сакаат да изгубат тежина. И покрај тоа што се полни со есенцијални хранливи материи, нивното консумирање во големи количини може да доведе до несакано зголемување на телесната тежина или да го запре напредокот во слабеењето.
,,Здравата исхрана е рамнотежа и умереност. Овие намирници може и треба да се вклучат во урамнотежена исхрана, но внимавајте на нивната калорична содржина и соодветно прилагодете ги вашите порции”, советува нутриционистот. Еве што таа издвои.
1. Гранола
Гранолата често се рекламира како здрава храна, преполна со цели зрна, јаткасти плодови и семки. Сепак, многу гранола купени во продавница се преполни со додадени шеќери и масти, што резултира со висококалоричен производ.
„Гранолата може да биде скриена калориска бомба. Секогаш проверувајте ги етикетите за содржината на шеќер и големината на порциите. Размислете да направите своја гранола дома за да ги контролирате состојките“, препорачува Биланде.
2. Смути
Смутито може да биде одличен начин за консумирање овошје, зеленчук и други хранливи материи. Но, тие можат да бидат калорични, особено ако се направени со овошје со многу шеќер, полномасни млечни производи и додадени засладувачи.
Смути лесно може да стане замка за калории. Користете овошје со ниска содржина на шеќер, избегнувајте додавање засладувачи и внимавајте со количината на висококалорични состојки како путер од јаткасти плодови“, заклучи нутриционистот.