Апелациониот суд во Белград ги отфрли жалбите на обвинението за затворската казна за таткото и мајката на момчето-убиец од основното училиште „Владислав Рибникар“, чии жртви беа девет ученици и еден училишен чувар, потврди во средата Врховниот суд во Белград.
За време на првиот час на 3. мај, 13-годишен ученик со истрели од пиштол на неговиот татко уби училишен чувар и осум ученици, а рани професорка и уште шестмина. Подоцна почина уште едно девојче, десеттата жртва.
Врховниот суд го потврди обвинението против таткото и мајката на момчето и уште две лица од стрелиштето каде таткото го донел својот малолетен син.
Во обвинението на јавното обвинителство во Белград беше предложено судот да го осуди таткото Владимир К. на 12 години затвор, а мајката на Миљана К. на две и пол години. За сопственикот и инструкторот на стрелачкиот клуб беа предложени три години затвор. Следно е закажувањето на рочиштето.
Трагедијата во училиштето „Владислав Рибникар“, е без преседан во поновата историја на Србија, и истата предизвика бран граѓански протести, а во следните месеци, десетици илјади луѓе излегоа на улиците на Белград и градовите низ Србија.
Се бараа и оставки од првиот човек на полицијата, државната и безбедносната служба (БИА) и укинување на матни реалити-шоу програми во електронските медиуми блиски до власта, но овие барања не беа исполнети.
Во исто време, Владата ја обвини проевропската опозиција, која повика на протести, за „мршојадци“.
Родителите на децата од „Владислав Рибникар“ денеска повторно во сиво и симболично црвено ја обоија таблата „училиште“ на улицата пред зградата, по неколкуте јалови барања до државните институции училиштето да стане меморијален центар.