Обединетите Арапски Емирати обезбедија најголема слобода на движење, односно патување, за своите жители, врз основа на податоците од кварталниот извештај објавен од лондонската истражувачка компанија за глобално државјанство и престој Henley & Partners. Без виза, граѓаните на Емиратите можат да влезат во дури 130 земји, а со тоа и дополнителни 50 земји.
Втората и третата позиција ги делат десет европски земји , и тоа Германија, Франција, Шпанија, Италија, Холандија, Луксембург, Шведска, Финска, Австрија и Швајцарија.
Од друга страна, четвртото место го делат Јужна Кореја, Данска, Белгија, Португалија, Полска и Ирска.
САД се на шестото место, изедначени со Австралија и Словачка. На самото дно на листата се пасошите на Сомалија, Ирак, Авганистан и Сирија.
Хрватскиот пасош е на 8-та позиција, што значи дека ја подобрил позицијата во однос на претходниот попис на кој беше на 14-то место. Хрватска го дели местото со Исланд, Латвија и Лихтенштајн.
На почетокот на годината оваа земја се најде на 17. место. Хрватите можат да патуваат во 123 земји без пасош, додека во 49 земји со виза, а во 26 земји не можат да патуваат.
На оваа листа, Србија го зазема 32 место, Македонија и Црна Гора се на 36 и 37 позиции, додека Босна и Херцеговина е на 44 место.
Индексот за пасоши на Хенли е еден од неколкуте индекси создадени од финансиските фирми за рангирање на глобалните пасоши според пристапот што им го обезбедуваат на своите граѓани, покривајќи 227 земји за патување. Се ажурира неколку пати во текот на годината, кога ќе стапат на сила промените во визната политика.