Канцеларијата на шерифот на округот Санта Фе објави фотографии и снимки од домот во Ново Мексико на актерската легенда Џин Хекман и неговата сопруга Бетси Аракава речиси два месеци по нивната смрт.
Ова е материјал снимен од камерите на телото на полициските службеници. Некои делови од куќата беа во целосен неред, покриени со измет и урина. Во една од спалните соби е пронајдена перница со дамки од крв.
Снимката, меѓу другото, може да се слушне како еден полицаец му кажува на друг дека почувствувал непријатен мирис, пишува Page Six.
Во интервју објавено на 5 март, ќерките на Хекман, Елизабет и Лесли, рекоа дека тој и неговата сопруга биле многу приватни и не дозволувале слугинки да влезат во нивниот дом.
Рекоа и дека го виделе него и Бетси пред околу година и пол, кога заедно ручале.
За потсетување, Одделот за јавно здравје во Ново Мексико откри мртви глодари, измет и гнезда во осум структури на нивниот имот вреден 4 милиони долари, според извештајот до кој дојде TMZ.