Министерството за одбрана на Романија ќе набави 200 проектили за системите Patriot во вредност од над една милијарда евра преку набавка што е дел од договорот за НАТО.
Како дел од консолидираната мултинационална набавка, која ги користи принципите на европската иницијатива „Скај Шилд“, Романија ќе набави 200 ракети PAK-2 GEM-T.
Министерството за одбрана на Романија побара и доби одобрение од парламентот за учество во заедничката програма за набавки, вкупна вредност за пакетот од 200 проектили наменети за надополнување на борбените резерви на романската Армија е 1,09 милијарди евра, без ДДВ, вклучително и резервниот делови, придружни услуги и друго, пренесува Ađerpres.
„Ова купување докажува дека НАТО има соодветни и адаптирани решенија за безбедносната ситуација со која се соочуваме во Источна Европа, од почетокот на руската агресивна војна против Украина. Сметам дека овој проект е успешен модел на соработка меѓу сојузниците и пример на развојот на производствените капацитети за одбрана кои заслужуваат да се копираат на европско ниво“, изјави романскиот министер за одбрана Ангел Тилвар, како што се наведува во соопштението на Министерството за одбрана на Романија.
Тој додаде дека ресорното министерство ќе продолжи да презема понатамошни чекори за набавка на воена опрема и муниција од најновата генерација, со цел исполнување на целите на романската одбранбена политика.
Агенцијата за набавки и поддршка на НАТО ќе поддржи коалиција од сојузници, вклучувајќи ги Германија, Холандија, Романија и Шпанија, за да набават 1.000 проектили за системот Patriot за зајакнување на против-воздушната одбрана.
Договорот вреден 5,5 милијарди долари го доби името – „КОМЛОГ“, заедничко вложување меѓу американската компанија „Рејтион“ и германската компанија „МБДА“.