35-годишната Ноел Спајви открила дека нејзиното неродено бебе има ретка вродена аномалија на плодот на нејзиното 12-неделно редовно скенирање. Нејзе ѝ било кажано дека нејзината ќерка Блер ќе се роди со сиреномелија, што значи дека нејзините нозе се завртени наназад од колената и споени кај стапалата.
Докторите ја споделиле и страшната вест дека не се работи за „ако“ туку „кога“ ќе умре Блер.
Ноел, стоматолошка асистент од Лабок, Тексас, САД, изјавила: „Се чувствував многу лошо, тој момент како да траеше цела вечност додека бевме таму“.
„Докторот влезе и кажа: ‘Вашето бебе е во критична состојба’. Почнав да плачам – бидејќи беше многу тешко да останам бремена. Тие ми рекоа: ‘Не е важно дали ќе умре туку дека сигурно ќе умре“, вели Ноел, стоматолошка асистентка од Тексас.
Но, малата Блер победила, го преживеала породувањето и била подложена на седумчасовна операција за одвојување на нозете кога имала 18 месеци, а и ја ампутирала ногата кај коленото, пишува британскиот таблоид Metro.
Ноел била решена да не се откаже од своето бебе и била внимателно следена за време на бременоста.
„Повеќето бебиња на кои им е дијагностициран синдром на сирена како фетус не развиваат бубрези, црева или гениталии. Тоа е ужасно“, вели мајката за таблоидот.
Таа кажала дека раѓањето на Блер бил најсреќниот момент во нејзиниот живот.
„Кога се уверија дека е добро, ја земав во раце а таа плачеше. Ја ставив раката на нејзината глава, таа ме погледна и престана да плаче. Родена е со бели дробови, срце, мозок – се беше нормално. Но, таа имаше само една од двете коски во потколеницата. Под нејзиното колено се ротираше наназад и сè беше поврзано. Бев преплашена тогаш…“, се присеќава таа.
Кога имала само еден ден, бебето Блер имала операција за да и помогне да го реши проблемот со дебелото црево. Потоа, кога имала 18 месеци, направила операција на нозете.
„Нејзиното колено беше ампутирано, а следната пролет и беа вметнати блокови. Минатото лето таа ги направи своите први протетски стапала со целосна должина“, вели мајката.
Блер сè уште има неколку здравствени проблеми кои докторите ги разгледуваат, како што е фактот дека таа има само делумен мочен меур, но нејзината мајка Ноел ја опиша како „силна девојка“.
„Таа е супер паметна и урнебесна. Неодамна научи да ги вкрстува очите. Таа е чудо. Се надевам на долг, среќен и здрав живот за неа“, вели мајката.
Сега Блер успеа да ги направи своите први чекори со полни протетски нозе.