Во трговските центри често забораваме на времето, а причината за тоа е внимателно осмислената стратегија, сметаат експертите. Во овие области ретко можете да забележите часовник и тоа не е случајно.
Отсуството на часовници е всушност трик наменет да манипулира со нашето чувство за време и да не поттикне да поминуваме подолго во центарот.
Трговските центри го користат феноменот на „временска дисторзија“, што ја менува нашата перцепција за времето . На овој начин, потрошувачите губат чувство за времето, што им овозможува да останат подолго и да трошат повеќе пари, бидејќи се исклучени од надворешниот свет и нивните временски обврски.
Покрај тоа, трговските центри користат и други тактики, како што се посебна температура и амбиентална музика, за да создадат пријатна атмосфера која го намалува стресот и ја поттикнува потрошувачката.
Сите овие стратегии имаат за цел да ги натераат клиентите да се опуштат, да заборават на времето и да купат повеќе отколку што планирале.