Вишото јавно обвинителство во Нови Пазар покрена истрага против три лица во врска со убиството на Нусрет Дестановиќ (27) од Ѓерекар, во Пештер, чие тело беше пронајдено во напуштен бунар минатата недела.
Српскиот портал Телеграф.рс ја објави неговата последна фотографија од ресторан на 7 февруари годинава. Само еден ден подоцна бил пријавен за исчезнат. За злото да биде уште поголемо, придружуван е од жена која е осомничена дека помагала во убиството.
Главниот осомничен С.З.(27) од Сјеница моментално е во бегство, а против него е распишана потерница.
Покрај С.З., уапсени се уште две лица: Е.Џ. (19) од Сјеница, осомничен дека не пријавил подготовка на кривично дело и Е.Х.(40) од Нови Пазар, осомничен дека му помагал на сторителот по извршувањето на кривичното дело.
Двајцата се во притвор од 10 февруари, со предложено времетраење од 30 дена.
С.З се сомнева дека со помош на Е.Џ., на 8 февруари со остар предмет му нанел смртоносни повреди на Дестановиќ, а потоа неговото тело го сокрил во бунар. Во Нови Пазар се пронајдени возилото и документите на жртвата. Р.Х.(27), поранешна сопруга на С.З., а исто така од Сјеница, е уапсена поради сомнение дека знаела за подготовка на кривично дело и во моментов е под истрага.
Погребот на убиениот Дестановиќ се случи во неделата, во присуство на голем број роднини и пријатели, во неговото родно место Џерекара. Сè уште не се познати мотивите за убиството, но се претпоставува дека било планирано и дека осомничениот побегнал во Германија.
Во соопштението на ВЈO се наведува дека за кривичното дело тешко убиство кое подразбира одземање на живот на свиреп или подмолен начин, законот предвидува казна затвор од најмалку десет години до доживотен затвор.
Истрагата е во тек, а надлежните институции интензивно работат на пронаоѓање и апсење на главниот осомничен.
Како што објави „Телеграф.рс“, Нусрет бил онесвестен со кол, избоден 22 пати, завиткан во ќебе и фрлен во бунар.