Компанијата Google (Google), во сопственост на мултинационалниот технолошки конгломерат
Alphabet , денес објави дека ќе биде „исклучително тешко“ за Австралија да спроведе
закон со кој им се забранува на лицата под 16 години да користат социјални мрежи , предупредувајќи дека владината иницијатива нема да ги направи децата побезбедни на интернет.
Владите и технолошките компании ширум светот внимателно ја следат Австралија, која во декември ќе стане првата земја што ќе ја забрани употребата на социјалните мрежи од страна на лица под 16 години, пренесува Ројтерс.
Платформите за социјални мрежи нема да бидат обврзани да спроведуваат процедури за верификација на возраста, туку ќе бидат обврзани да користат вештачка интелигенција и податоци за однесувањето за сигурно утврдување на возраста.
На парламентарното сослушување за правилата за безбедност на интернет во понеделник, вишата менаџерка за односи со владата на YouTube Australia, Рејчел Лорд, рече дека владината програма била добронамерна, но може да има „ненамерни последици“.
„Законот не само што ќе биде исклучително тежок за спроведување, туку и не успева да го исполни своето ветување да ги направи децата побезбедни на интернет“, предупреди Лордоава.