Докторот Амир Кан објави видео во кое ги потсети луѓето на сите придобивки од консумирањето урми и рече дека треба да јадат – 3 урми на ден.
Д-р Кан рече дека ова овошје е одлично за здравјето.
– Последнава година јадам три урми дневно. „Тие не влијаат негативно на шеќерот во крвта на долг рок, дури и ако сте дијабетичар “, откри Кан во своето видео.
Тие се одлични за здравјето на цревата и за превенција од деменција.
– Некои истражувања покажуваат дека урмите можат да го намалат шеќерот во крвта, па дури и холестеролот, веројатно поради високата содржина на влакна, што ги прави одлични за здравјето на цревата – истакна докторот.
Д-р Кан исто така рече дека урмите имаат и други здравствени придобивки, како што се борбата против штетните клетки и намалувањето на ризикот од деменција.
„ Друга здравствена придобивка од урмите е тоа што тие се полни со растителни антиоксиданси и полифеноли, кои можат да помогнат во намалувањето на оштетувањето на клетките предизвикани од штетните слободни радикали кои предизвикуваат работи како автоимуни состојби, кардиоваскуларни болести, па дури и некои видови на рак “, рече д-р Кан.
Треба да бидете умерени кога јадете урми.
Истражувањата покажуваат дека урмите се речиси совршена храна поради нивната богата содржина на есенцијални хранливи материи и бројните здравствени придобивки што ги обезбедуваат. Замената на вечерните закуски со урми нуди многу придобивки бидејќи се богати со диетални влакна и преполни со витамини и минерали.
Сепак, тие треба да се консумираат умерено, поради големата количина на шеќер.
Повеќето експерти за исхрана препорачуваат консумирање два до четири урми дневно како здрава порција. Сепак, количината може да варира од личност до личност врз основа на потребите за калории и целокупното здравје, пренесува Bristol Live.