Најдобриот тенисер на планетата Новак Ѓоковиќ синојка во Малага рутински го совлада Камерон Нори со 6:4 и 6:4 и со тоа го потврди пласманот на српската репрезентација во полуфиналето на Дејвис купот.
Нори немаше шанси да победи на овој меч, Ноле не му ја дозволи таа шанса, но британските навивачи не можеа да го поднесат поразот од својот тим во ова четврт-финале.
Така почнаа да го пеовоцираат Новак од трибините додека тој ја даваше првата изјава по мечот, а тој на свој начин ги „поздрави“ и им рече: „да ве слушнам“ и „одете дома, спијте мирно“.
Сепак, сè брзо се смири, па Новак набрзо даде изјава за „Спортклуб“.
– Одличен натпревар. Најголемо задоволство и мотив е да играш повеќе за својата земја, тоа е голема одговорност. Многу добро играв кога беше потребно. Нори го подигна нивото на својата игра, а тешко е да се игра против левак тенисер. Би сакал да му се заблагодарам на Мица (Кечмановиќ) што одигра одличен прв натпревар, па можев многу порелаксирано да влезам во натпреварот – нагласи Новак и додаде:
– Сега ќе имаме ден за одмор, што многу ни значи. Ќе видиме кој ќе игра, имаме неколку различни опции за сингл и двојки. Драго ми е што сите момци се многу мотивирани, одиме на победа – изјави Ѓоковиќ.