Управата за јавни приходи (ДАП) навреме ги презеде сите законски овластувања што ги има во делот на задолжителното плаќање – известувања, решенија, блокади,… работодавачите навреме да им ја исплатат платата на вработените, информира денеска директорката на ДАП, Сања Љукаревска.
„Вкупно 69.235 работодавачи за 534.282 вработени лица со законски рок за исплата до 15 февруари имаа обврска да ја пресметаат платата за јануари 2023 година. Од нив, конечно до 23 февруари, 55.328 работодавачи ја платиле пресметката за 518.443 вработени лица. пресметката не ја плаќаат 8.144 работодавачи за 23.965 вработени лица, додека 5.763 работодавачи за 11.974 вработени се уште немаат поднесено пресметки“, рече Љукаревска одговарајќи на новинарско прашање на денешната прес-конференција.
За месец декември 2022 година, како што рече, обврска за пресметка до 16 февруари 2023 година имале вкупно 69.418 работодавачи на 555.847 вработени.
Од нив, конечно на 23 февруари годинава 61.968 работодавачи ја платиле пресметката за 543.155 вработени, додека 2.565 работодавачи не платиле за 5.447 вработени, додека 4.885 работодавачи за 7.245 вработени сè уште немаат поднесено пресметки за месец декември.