Патниците на четири аеродроми во Германија денеска се соочија со откажани летови и одложувања поради штрајкови во последниот бран индустриски кризи што ја погодија земјата.
Штрајковите што ќе се одржат на аеродромите во Дизелдорф, Келн/Бон, Штутгарт и Баден-Баден ќе резултираат со откажување на 681 лет, објави Здружението на германски аеродроми (ADV). Од нив ќе бидат погодени околу 89.000 патници.
Аеродромот Келн/Бон соопшти дека денеска се откажани 144 летови.
Аеродромот Дизелдорф претходно оваа недела објави дека работи со значително намален распоред на летови и дека првично се планирани 368 полетувања и слетувања за денес.
Аеродромите во Берлин, Бремен и Хамбург ги откажаа сите комерцијални летови на почетокот на неделава поради штрајк бидејќи работниците бараат повисоки плати поради високата инфлација.
Синдикатот повика на штрајкови бидејќи преговорите за платите во индустријата за воздухопловна безбедност остануваат неуспешни и продолжуваат споровите за платите во јавниот сектор.
Како што најавуваат од синдикатот, штрајковите во некои области нема да завршат до раните утрински часови во сабота. Аеродромските оператори ги советуваа патниците да го проверат статусот на летот кај нивниот превозник или тур-оператор пред да одат на аеродромот.