Шверцери на дрога ја запалија својата јахта за да уништат кокаин, покажува драматична снимка објавена од шпанските власти.
Во видео објавено од Цивилната гарда, бродот бил заробен на приближно 50 милји од брегот на Канарските Острови, објавува „Телеграф“.
Властите соопштија дека по откривањето, екипажот го запалил бродот, повредувајќи еден од нив, кој морал да биде евакуиран од страна на поморските спасувачки екипи.
И покрај пожарот, властите пронајдоа 25 килограми кокаин и објавија снимки од операцијата, кои наликуваа на сцени од холивудски акциони филмови.
Двајца членови на екипажот, кои беа француски и холандски државјани, се уапсени, соопшти шпанската цивилна гарда.