Зголемувањето на согорувањето на мастите и одржувањето на здрави црева одат рака под рака, а еден од најдобрите начини да се поддржат и двете е со консумирање храна богата со растителни влакна. Храната богата со растителни влакна помага во регулирање на варењето, го одржува урамнотежениот микробиом на цревата и го продолжува чувството на ситост, што ја намалува желбата за грицки и го поддржува слабеењето.
Експертите од SheFinds ја открија најдобрата храна богата со влакна која може да ви помогне да го изгубите вишокот маснотии и да го подобрите здравјето на цревата. Најдобро би било да ги консумирате секој ден или барем неколку пати неделно за да имаат ефект. Во продолжение ви откриваме кои се тие.
Овес
Овесот е богат со бројни придобивки, особено за варење. Диететичарот Аканкша Кулкарни ја нагласува важноста на овесот за зголемување на чувството на ситост и стабилизирање на нивото на шеќер во крвта, особено кај луѓето над 40 години кои може да имаат поголем ризик од отпорност на инсулин.
„Бета-глуканот, протеин присутен во овесот, формира супстанца слична на гел во цревата, забавувајќи го варењето и обезбедувајќи подолго чувство на ситост“, објаснува таа за SheFinds.
Дополнително, овесот делува како пребиотик, хранејќи ги добрите бактерии во цревата и ја подобрува апсорпцијата на хранливи материи, што е од клучно значење за здравјето на дигестивниот систем. Додавањето овес во вашата секојдневна исхрана е едноставно и разноврсно, може да се конзумира како овесна каша, да се додаде во смути или да се користи во печење.
Чиа семиња
Чиа семето е уште една хранлива бомба богата со растителни влакна.
,,Тие содржат 10 грама влакна во само две супени лажици, што ги прави одличен извор на растворливи влакна“, истакнува диететичарот.
Кога се мешаат со вода, семето чиа создава супстанца слична на гел која не само што помага во контрола на апетитот, туку и го регулира варењето, спречувајќи ги вообичаените дигестивни проблеми поврзани со стареењето.
Дополнително, омега-3 масните киселини во семето чиа имаат антиинфламаторно дејство, придонесувајќи за здравјето на цревата. Диететичарот предлага да додадете чиа семе во јогурт, салати или да направите чиа пудинг за да уживате во нивните придобивки без да се загрози вкусот.
Леќа
Леќата е одлична за варење и здравје на срцето. „Богатството од растворливи и нерастворливи влакна ја прави леќата одличен сојузник за дигестивниот систем“, додава диететичарот. Растворливите влакна во леќата помагаат да се контролира апетитот и да се одржи здрава телесна тежина, додека нерастворливите влакна промовираат редовно варење и спречуваат запек.
Високата содржина на влакна во овој растителен протеин може да придонесе за намалување на холестеролот, што е важно за луѓето над 40 години кои се изложени на поголем ризик од кардиоваскуларни болести. Леќата лесно може да се вклучи во исхраната преку супи, чорби, салати или како дел од веге хамбургери.
Банани
Бананите се одличен извор на долготрајна енергија и се една од најдобрите намирници со влакнести јаглени хидрати за побрз метаболизам и намалување на надуеноста. Вообичаена заблуда е дека бананите се лоши за вашето здравје поради нивната висока калорична содржина, но тие всушност обезбедуваат подолго чувство на ситост од многу други овошја, што ги прави одличен додаток во вашата исхрана за слабеење.
Нутриционистот Клара Лосон објаснува: „Постои силна врска помеѓу високиот внес на влакна и помалата телесна маса, бидејќи на телото му треба подолго време за да ги свари влакната. Тоа значи дека чувството на ситост трае подолго, намалувајќи ја потребата за нездрави грицки“.
Зелените, незрели банани се особено корисни за слабеење бидејќи содржат отпорен скроб, вид на јаглени хидрати кои тешко се вари. Лосон препорачува конзумирање на две банани со појадок по две чаши вода за максимална корист.
Цвекло
Цвеклото е уште една храна богата со влакна која може да помогне во намалувањето на телесните масти. Овој корен зеленчук содржи 3,4 грама влакна, кои помагаат во ублажување на дигестивните непријатности и помагаат во губење на тежината. „Цвеклото е богато со влакна и содржи бетаин, ензим кој го помага варењето“, вели диететичарот Дејна Елис Ханес.
Исто така, цвеклото придонесува за хидратација, што е особено важно бидејќи често пиеме помалку течности како што старееме. „Храната богата со влакна, како свеж зеленчук, интегрални житарки и овошје, содржи влага што го помага варењето“, додава Хунес.
Јачмен
Јачменот е зрно богато со растителни влакна што дава бројни здравствени придобивки. Неговата комбинација од растворливи и нерастворливи влакна придонесува за дигестивно здравје, го намалува нивото на холестерол и го намалува ризикот од срцеви заболувања. Покрај тоа, јачменските влакна го стабилизираат нивото на шеќер во крвта, поддржувајќи го целокупното здравје.
Авокадо
„Авокадото е еден од најздравите извори на масти во светот“, вели диететичарот Џеси Федер.
Покрај тоа што е богат со мононезаситени масти, содржи и многу влакна, витамини Б, Ц, Е и К, фолати, калиум, магнезиум и антиоксиданси.
Благодарение на неговата висока содржина на здрави масти, авокадото го поддржува здравјето на мозокот и оптималните нивоа на холестерол, што е од клучно значење за здравјето на срцето. Дополнително, влакната во авокадото ја подобруваат апсорпцијата на хранливи материи и придонесуваат за целокупното дигестивно здравје.
Артишок
Не ја потценувајте моќта на артишокот. Според Алана Кејт Дерик, тренер за спортска исхрана, „артишокот се вистински сојузник во намалувањето на надуеноста, со околу 10 грама влакна по артишок со средна големина“.
Специфичниот тип на влакна што го содржат артишокот ги храни добрите бактерии во цревата, подобрувајќи го варењето. Дерик препорачува скара или консумирање на листовите варени со сос на база на јогурт за вкусен и здрав оброк.