Бруно Фернандеш веќе донесе одлука за својата иднина во Манчестер Јунајтед, среде гласините што го поврзуваат со заминување од „Олд Трафорд“.
Откако дојде од Спортинг Лисабон во 2020 година, Фернандеш е клучен играч за „Црвените ѓаволи“.
До денес, Португалецот постигна 100 гола на 297 натпревари во сите натпреварувања.
Во последните години, тој се истакнуваше со важни голови и одлични настапи, и покрај тешкотиите на клубот. Сепак, ова лето се шпекулираше дека 31-годишникот ќе си замине.
Се шпекулираше дека Фернандес размислувал за трансфер во арапскиот тим Ал Хилал, кој бил подготвен да му понуди плата од околу 700.000 евра неделно во текот на три години.
Ал Хилал исто така беа спремни да платат трансферна сума од околу 100 милиони евра и беа уверени дека понудата ќе биде прифатена.
Сепак, играчот од средниот ред одлучи да ја отфрли понудата од Саудиска Арабија и да остане во Манчестер Јунајтед.
И покрај ова одбивање пред неколку месеци, Фернандес продолжува да биде на радарот на клубовите од Блискиот Исток.
Според „talkSPORT“ , Фернандеш нема да го напушти Јунајтед за време на јануарскиот преоден рок.
„Ставот на Фернандес не се промени и напуштањето на Манчестер Јунајтед шест месеци пред она што би можело да биде неговото последно Светско првенство со Португалија не е дел од неговите тековни планови“, се вели во извештајот.
Клубовите во Саудиска Арабија се исто така свесни дека Јунајтед ќе бара повеќе од 60 милиони евра ако се согласат да се откажат од својот капитен.