Менаџерот на Манчестер Сити, Пеп Гвардиола и неговата сопруга Кристина Сера решија да го прекинат бракот по три децении заедно.
Како што пренесуваат светските медиуми, двојката се договорила разводот да продолжи без скандали, со заеднички адвокат и меѓусебно разбирање. Нивниот приоритет останува да ги зачуваат семејните односи и благосостојбата на нивните три деца.
Според блиски пријатели, Гвардиола и Сера се оддалечиле со текот на времето, што довело до одлука да тргнат по својот пат.
– Како што можете да замислите, парите нема да бидат проблем, тие веќе се договорија за првичните услови за да се обезбеди оваа разделба да биде што е можно попријатна. Нивниот развод го решаваат луѓе на кои целосно им веруваат, истакнуваат извори блиски до Гвардиола.
Иако се шпекулираше за причините за разделбата, изворите тврдат дека немало афера или скандалозни околности, туку дека нивната љубов постепено згаснала поради различните професионални патишта и животни приоритети.
Пеп и Кристина имаат три деца, синот Мариус и ќерките Марија и Валентина.