По повеќе од три и пол децении, откриени се последните зборови на Јосип Броз Тито.
Јосип Броз Тито, доживотен претседател на СФРЈ и Сојузот на комунистите, врховен командант на вооружените сили на земјата, почина на 4 мај 1980 година во Љубљана. Неговите последни зборови беа откриени во јавноста дури 36 години подоцна.
Овие зборови во јавноста ги откри лекарот Миломир Станковиќ, кој во тоа време беше сместен како дежурен лекар покрај креветот на Тито. Тој имал задача да ги запише дијагнозите, прогнозите на лекарите и терапии што ги земал претседателот. Тој беше еден од последните сведоци кои беа со Тито во неговите последни денови.
За настаните на кои првпат бил сведок зборувал во книгата „Тито меѓу животот и смртта“ објавена дури во 2016 година. Почина три години подоцна. Последните зборови на Јосип Броз Тито ги слушнал бидејќи седел покрај неговиот кревет. „Кога виде дека сè пропадна, неговите последни зборови беа: „Што е значењето на сето ова!” …Сега, не знам дали тоа е поврзано со некои одлуки што ги донел или со лекарите кои му ветиле дека терапијата ќе работи… Во средината на февруари 1980 година, Тито веќе не можел да зборува и бил во вештачка кома во остатокот од животот“, изјави претходно Станковиќ за РТС.
Тито беше погребан на 8 мај во Куќата на цвеќето на Дедиње. На погребот присуствуваа повеќе од 200 истакнати личности од целиот свет, а стотици илјади граѓани го испратија и последното почивалиште на доживотниот претседател на Југославија.