Озлогласената руска платеничка група Вагнер се сврте кон најпопуларната порнографска веб-страница за дополнително да поттикне регрутирање на потенцијални борци за војната во Украина.
Рекламата на страницата за возрасни, Pornhub, за оваа приватна воена група, која прв пат излезе во јавност на популарната руска социјална мрежа Телеграм каде се и покрива порно индустријата и е овозможена, прикажува жена како лиже лижавче како дел од рекламата на порнографската страница.
„Ние сме најзлобната приватна армија во светот. Регрутираме од сите региони на Русија“, вели женски глас и додава: „Не дркај, оди работи за Вагнер“, објави британскиот весник The Telegraph.
Рекламата, наводно, е видлива за гледачите кои пристапуваат на страницата од неколку руски региони, но не и од Москва, во согласност со руската стратегија за „делумна воена мобилизација“ започната минатата есен, која наводно ги таргетира луѓето во руралните делови на земјата, а не поголемите градови.
Групата Вагнер, основана од олигархот Евгениј Пригожин, е осомничена за воени злосторства во Украина, Сирија и Мали.
Пригожин ја поддржа рекламата во средата и објави на својот канал на социјалната мрежа Телеграм: „Поставувањето реклами на Вагнер на порнографски страници е одлична идеја од нашите маркетинг експерти“, и додаде: „Потполно се согласувам со нив и со тоа што го пишува огласот… Кој не би ?“.
Откако Русија претрпе серија неуспеси на бојното поле минатата година, Пригожин прибегна кон регрутирање борци од руските затвори, нудејќи им помилување во замена за борбите во Украина. Активистите за човекови права проценуваат дека од десетици илјади осуденици кои биле регрутирани, половина од нив веќе умреле или биле ранети во акција.
Во меѓувреме, Министерството за одбрана на Русија, на почетокот на оваа година, наводно, започнало самостојно да регрутира затвореници во руските затвори, заменувајќи ја групата Вагнер во тие напори и прекинувајќи го главното снабдување со работна сила на групата.
Пригожин, кој е познат по своите остри критики кон руските генерали, во средата го пофали новиот закон со кој се воведуваат затворски казни за „диск-кредитирање“ на сите волонтерски групи кои се борат во Украина, дури и за осудените криминалци од групата Вагнер.
Тој исто така порача дека законот нема да го спречи да го критикува руското раководство и кажа: „Што се однесува до министерот за одбрана, другите генерали кои можат да згрешат или направиле грешки за време на специјална воена операција – мораме да кажеме што општеството смета дека е неопходно за нив“.
Секоја јавна критика за украинската инвазија или наводните руски воени злосторства во Русија е кривично дело во Руската Федерација.