Интер Мајами убедливо го совлада Торонто на домашен терен (4:0), но навивачите на домашниот клуб немаа многу причини за славење, бидејќи се повреди нивниот најдобар играч Лионел Меси.
Аргентинецот го напушти теренот во 37. минута поради повреда. Лионел Меси го пропушти претходниот натпревар против Атланта поради мала болка во мускулите. Против Торонто играше од првата минута, но на крајот од првото полувреме се фати за ногата и побара измена. Очигледно, повредата е посериозна отколку што изгледаше на почетокот.
Работата да биде уште полоша, Џорди Алба, две минути пред Лионел Меси го напушти теренот поради повреда, што е сериозен проблем за клубот на Тејт Мартин.
„Се надеваме дека не е нешто сериозно, односно не скинале мускул. Речиси сигурно нема да го одиграат натпреварот против Орландо викендов, па ќе видиме дали ќе бидат подготвени за Купот на САД“, изјави тој по натпреварот.
Интер Мајами моментално е на 13. место во источната конференција и има пет бода помалку од позицијата која води во плеј-офот.
До крајот на регуларниот дел остануваат уште пет кола и секој бод е исклучително важен во борбата за место во плеј-офот.