Поранешниот телохранител на Кристијано Роналдо откри колку заработил заштитувајќи ја португалската фудбалска суперѕвезда.
Роналдо е една од најпознатите личности во светот, а тоа ниво на слава носи одредени ризици за безбедноста на Португалецот, па затоа му беше потребна безбедност во поголемиот дел од својата кариера.
Хичман Бухари помина четири години работејќи на безбедноста на Роналдо и неговото семејство за време на неговиот престој во Мадрид, а во интервју за „Телесинко“ откри дека Португалецот му плаќал околу 1.000 евра дневно за неговите услуги.
Тој додаде дека поранешниот фудбалер на Манчестер Јунајтед и Реал Мадрид не бил клиент со висок ризик во смисла дека неговиот живот бил во опасност.
„Нашата работа зависи од профилот на клиентот. Во случајот со Кристијано, со кого работев четири години, неговиот профил не беше со висок ризик бидејќи луѓето не сакаа да го убијат, а тој не добиваше и смртни закани. Му се закануваа навивачи или луѓе кои сакаа да го ограбат“, рече Бухари, додавајќи:
„Секогаш треба да знаеме каде одиме, кој ќе биде таму и да имаме јасни точки за влез и излез, како и точки за контакт. Секогаш треба да бидеме свесни дека нашите животи може да бидат во опасност. Треба да бидеме подготвени да заштитиме некого, а понекогаш треба да го ризикуваме животот за да го заштитиме. Ако треба да употребам оружје, ќе го употребам. Најважно е да имам способност за брзо размислување, решавање проблеми и останување смирен во тешки ситуации.“
Тој откри дека Португалецот бил најдобриот шеф што некогаш го имал и дека двајцата сè уште имаат исклучително добар однос.
„Тој е најдобриот шеф што некогаш сум го имал. Денес сè уште имаме добри односи. Работата со него не беше како работа со некој што е под закани за смрт или киднапирање. Имавме некои глупави инциденти со папараци или луди обожаватели, но ништо сериозно“, заклучи Бухари.